28.9 C
Manila
Friday, March 29, 2024

Mga Piniriso Mikita Gikan Sa Ilang Hand-Made Products

- Advertisement -

Milambo ang income-generating activities sa mga piniriso sud sa Misamis Oriental Provincial Jail and Rehabilitation Center tapos ang ilang mga hand-made products pamaliton sa capitolyo diin pamaagi kini nga mapromote usab ang maong mga produkto, sumala pa sa usa ka opisyal sa maong bilanggoan.

Nasayran nga moabot 800 ka mga bilanggo ang nalambigit sa pagbuhat sa chicharon, mga tsinelas, candies, rosaryohan, plaques ug mga Christmas Lanterns.

Matud pa ni MOPJ warden Dominador Tagarda, dako ang ilang pagpasalamat sa pagdumala ni Governador Yevgeny “Bambi” Emano kinsa mao usab ang nagpaluyo sa finansyal nga pagpaningkamot aron makabaton sa kapanginabuhian ang mga piniriso.

Ang presyo sa produkto nga gipangbuhat sud sa prisohan anaa sa P15 ngadto na s P750. Sa pagka karon gipangdisplay na usab ang mga Christmas lanterns diha sa MOPJ.

Gibutyag ni Warden Tagarda nga ang kinitaan sa mga piniriso nakatabang usab sa ilang mga pamilya.

Sa iyang kabahin, si Gov. Emano midayeg sa gitukod nga kooperatiba sa mga binilanggo ug nahimo kining ehemplo sa ubang kooperatiba sa probinsya.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -