Midepensa si Kagawad Marlon Castillo, ang Adviser sa Purok 1, Brgy. Punta Bilar, nga inosente ang mga opisyales sa ilang barangay sa mga panghitabo may kalabutan na sa pagpanghatag sa Department of Social Welfare and Development (DSWD) sa Social Amelioration Program (SAP), diin aduna’y mga nangreklamo nga wala mahatagan ug gibawian ug 5 mil ka pesos.
Sumala sa maong Kagawad nga natingala gani sila nga adunay angayan nga hatagan ang wala naka-avail, ug aduna usab dili angayan nga hatagan apan nakadawat.
Ngani sila sa barangay ang wala mi-asister sa DSWD subay sa instruction sa maong ahensya nga dili mag apil-apil, bisan sa gihimong survey sa milabay nga tuig, ang wala mucoordinate sa ilang barangay ang nahisgutang buhatan.
Gidugang sa maong opisyales nga aduna’y insidenteng pagpangbawi sa cash subsidy gumikan kay aduna’y nangreklamo. (Jun Prex Salubre, Ronda 6 RPN DXKS)