29.8 C
Manila
Thursday, March 28, 2024

Mga OFWs para sa Hong Kong ug Macau giawhag pagtambong sa ‘pre-departure orientation seminar’

- Advertisement -

Cebu City- Gidasig sa Department of Labor and Employment kun Dole
7 ang mga overseas Filipinos workers (OFWs) nga nagtrabaho
sa Hong Kong ug Macau nga motambong sa pre-departure
orientation seminar human sila ma-exempt sa travel ban.
Sa iyang post sa Twitter, si Usec. Brigido Dulay sa
Department of Foreign Affairs (DFA) miingon nga ang Inter-
Agency Task Force for Management of Emerging Infectious
Disease milibkas sa travel ban sa mga OFWs nga gustong
mamalik sa trabaho sa duha ka Chinese regions.

Ang Hong Kong ug Macau pulos special administrative
regions sa China.

Nalakip kini sa travel ban nga giimponer sa task force isip
preventive measure batok sa coronavirus disease kun Covid-19.
Sumala pa ni Direktor Salome Siaton sa Dole 7, ang pre-
departure orientation seminar himoon sa OWWA kun Overseas
Workers Welfare Administration ug sa POEA kun Philippine
Overseas Employment Administration.

Sa iyang bahin, si Steve Dicdican, general manager sa
Mactan-Cebu International Airport Authority, miingon nga ang
ilang operation kalabot sa mga biyahe sa Macau ug Hong Kong
magpabiling restricted hangtod dili hingpit malibkas ang ban.

Matod ni Dicdican, sa iyang nasayran, partial lifting pa lang
sa ban ang gihatag sa gobyerno aron makalarga ang mga OFWs
sa Hong Kong ug Macau.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -