29.5 C
Manila
Friday, March 29, 2024

Mga OFWs Nga Mangabot Sa Sugbo Gikan Sa Manila Lima Ka Adlaw Ra Nga I-Quarantine

- Advertisement -

Cebu City- Lima ka adlaw na lang nga ipaubos sa kwarantina ang mga OFWs o overseas Filipino workers nga mangabot sa Sugbo sa dili pa tugtang makapauli sa ilang dapit sa probinsiya inay pito o usa ka semana.

Kini ang nalatid sa laing executive order ni Gob. Gwendolyn Garcia – ang EO No. 17- C – nga nag-usab sa dis-og sa mga tawo ug produkto ubos sa guidelines sa GCQ o  General Community Quarantine.

Ang EO 17-C, nga gipirmahan ni Garcia sa miaging gabii nag-ingon nga ang OWWA o Overseas Workers Welfare Administration mopaubos sa gipapauling mga OFWs sa lima ka adlaw nga quarantine period.

Kini tungod kay gikan na man silang gikwarantina og 14 ka adlaw sa Manila sa wala pa tugti nga  makapauli sa ilang tagsatagsa ka lugar.

Nag-ingon usab ang sumbanan nga ang manguliay nga mga OFWs kinahanglang negatibo sa Covid 19 gamit ang Polymerase Chain Reaction o PCR test.

Sa usa ka press briefer gahapon sa udto, si  Presidential Spokesperson Harry Roque mitug-an nga adunay duha ka barko nga nagda sa mga OFWs ang mogikan sa Manila karong adlawa.

Ang naasoyng mga barko paingon sa Sugbo ug ubang home provinces sa mga OFWs sa Kabisay-an ug Mindanao.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -