Nanawagan ang mga magtutungha sa mga tertiary education institutions sa mga hintungdan kabahin sa pagpatigayon distance learning, sistema, og sa mga bayrunon sa tulunghaan.
Milabay nga semana, nakadawat og taho ang Federationn of Dtudents Organization (FESO-GENSAN) bahin sa scholarship grant ngadto sa mga magpa-enrol sa usa ka tulunghaan sa syudad apan gibawi nga walay abiso. Hinungdan nga sa kasamtangan gapangayo ang organisasyon sa mga official statements gikan sa administrasyon sa tulunghaan, sa buhatan sa student affaurs, og sa student government aron matimbang ang tanan una buhaton ang mga sunod nga lakang.
Gawas sa taho sa maong tulunghaan, dakong problema sa mga nag-online classes ang hinay og mawala nga internet connection samtang gatigayon sa klase. Gani sa kasamtangan galihok ang FESO aron mapasa sa Sangguniang Panlungsod ang ilang resolusyon nga nagsaysay sa ilang mga rekomendasyon sa syudad kabahin sa internet connection concerns, class activities scheduling, og cashless payment schemes.
Nabantayan usab sa FESO nga adunay mga nalakip nga mga bayrunon sa mga statements of account sa pipila ka mga tulunghaan bisan pa wala nagamit sa mga magtutungha. Kini dama na lamang sa laboratory fees, library fees, infermary fees og bayad sa uban pang mga pasilidad sa mga tulunghaan bisan pa wala magamit sa mga magtutungha nga naka-home schooling.
Maningkamot matod pa ang FESO nga mapaabot ang maong mga problema sa mga hintungdan sama sa Sangguniang Panlingsod og Commission on Higher Education aron madapatan og aksyon.
Gipaklaro usab sa FESO nga sila usa ka independent youth-led organization nga naghandom og pagtinabangay sa mga student governments sa kolehiyo aron masmapalambo pa ang serbisyo sa mga nahisgutan sa ilang mga ginsakpan og ang pagpalambo sa abilidad sa mga nahisgutan.
Rehistrado ang FESO-GENSAN sa General Santos City Local Youth Development Council (LYDC) og sa Youth Organization Registration Program (YORP) sa National Youth Commission (NYC).
(Leo Martin Cellan)