Cebu City- Dili layo nga mahitabo ang pagpanaktak og kawani sa mga hotel, resorts ug ubang tourism industry tungod sa hulga sa novel corona virus.
Kini ang gipadayag sa vice president for operations sa Bai Hotel sa Mandaue City, Alfred Reyes, nga sakop sa board sa Hotel, Resort, Restaurants Association of Cebu (HRRAC), Inc..
Matod pa ni Reyes, posibleng adunay mga kompaniya nga mamapha og sakop kon magpadayon pagtibugsok ang local ug international tourism industry.
Giangkon ni Reyes sa media nga dili lang sa China kon dili sa ubang nasod namatikdan ang pagminos sa mga tawong namiyahe sa kahadlok sa virus.
Nunot sa pagdailos saoccupancy rate sa mga hotel hangtod sa 30 porsyento, sumala pa ni Reyes, mapugos usab ang mga negosyante pagpaus-os sa ilang operational cost.
Gani, ang mga hotel sa Cebu, ni Reyes pa, mihimo nag mga gimik ug mihatag og special offer aron lang maengganyo ang mga guest.
Ang travel and tours apektado usab sa nasinating health emergency.
Ang China, diin magsukad ang virus, unang miimponer sa ban sa group tours aron mapugngan ang pagkatap sa sakit.