Mga foreign cruise ships na sakay ang mga Pinoy seafarers dadating na sa bansa

Inaasahan nang dumating sa mga susunod na araw ang ilang foreign cruise ships lulan ang mga Filipino seafarers.

Ayon kay Eduardo Meñez, Assistant Sec. ng Department of Foreign Affairs—Office of Strategic Communication and Research, inaasahan na ang pagdating sa bansa ng ilang foreign cruise ships.

Una rito, sinabi ng Inter Agency Task Force (IATF) na papayagang makababa ang mga Pinoy seamen sa oras na dumaong sa bansa ang mga nasabing cruise ships.

Gayunman, binigayang diin naman ni Meñez na isasailalim pa rin naman sa 14 day quarantine ang mga nasabing Filipino seamen.