Mga events sa Kalilangan 2020 kanselado, Mayor Rivera

Opisyal nang gipakansela ni Gensan City Mayor Ronnel Rivera ang tanang events sa kalilangan festival 2020 tungod sa hulga sa 2019 NCov kon Novel Corona Virus subay kini sa compliance sa kamanduan gikan ni DOH Secretary Francisco Duque ug sa DILG. Kini ang kumpirmasyon sa Mayor sa phonepatch interview pinaagi sa personahe niining maong sibyahanan sa radio sa Gensan. matud pa ni Mayor Rivera nga nasubo siya ug nangayo ug pasaylo sa katawhan sa pagkansela sa mga events sa kailangan apan wala siyay mabuhat tungod sa maong national ug worldwide emergency nga ncov. Specific matud pa ang kamanduan sa Department of health nga gidid- an ang mga LGU nga magpahigayon ug mga events nga magpatapok sa daghang mga tawo tungod posibling mao kini ang hinungdan sa pagtakod sa virus nga nCov. Apan magpadayon matud pa ang selebrasyon sa foundation Anniversary sa Gensan karong Pebrero 27,2020 kon kasumaran sa pagkamugna sa syudad sa Gensan pinaagi ni General Paulino Santos. Adunay wreath laying kon paghalad ug bulak sa monumento ni Gen. Santos apan gamay ra matud pa nga crowd kon mga tawo sa maong okasyon. Hangtud niining adlawa ncov free pa ang Gensan ug nanghinaut ang mga opisyal sa syudad nga magpadayon kini uban sa tabang ug suporta sa katawhan. Samtang gikumpirma usab ni Mayor Rivera nga postponed ug dili pa Mahibaluan kon kanus -a mapadayon ang SRAA meet nga karon untang Pebrero 18-24. Kamanduan matud pa sa Dep ed ang maong kausaban tungod sa susamang hinungdan ang pagkuyanap sa sakit nga NCov. Gipakusgan usab sa LGU Gensan ang lockdown kon pagpatuman sa veterinary checkppints sa tanang mga entry point sa syudad aron masiguro nga dili makalusot ang mga baboy gikan sa laing lugar ilabina ang na apektuhan sa ASF outbreak kon African Swine Fever.