34.7 C
Manila
Thursday, March 28, 2024

Mga Chief Executive Sa Central Visayas Nagkasabot Nga Maghiusa Pagbangon Sa Nahagba Nga Ekonomiya

- Advertisement -

Cebu City- Naglaraw ang upat ka probinsiya sa Central Visayas – Cebu, Bohol, Negros Oriental ug Siquijor – pagmugna og travel corridors subay sa lakang pagbangon sa nahagsa nga ekonomiya sa rehiyon.

Sa nasayran, ang industriya sa turismo, nga usa sa gisaligan sa dis-og sa ekonomiya sa Central Visayas, usa sa mga sector nga grabeng naapektahan sa community quarantine taliwa sa nagpadayong hulga sa coronavirus pandemic.

Sa usa ka statement, ang OPAV o Office of the Presidential Assistant for the Visayas miingon nga ang upat ka gobernador nagkauyon nga magtagbo sa Agosto 12 sa Siquijor, ang bugtong lalawigan sa rehiyon nga nagpabiling luwas sa Covid 19.

Ang maong miting sa mga gobernador gitakdang motuki sa ilang mga kabana sa turismo ug ubang butang.

Nauyonan ang maong panagtagbo sa mga chief executive atol sa  virtual talk nga gi-host ni Asec. Jonji Gonzalez sa OPAV ug ni Asec. Asteria Caberte sa Trade & Industry.

Si Gob. Gwendolyn Garcia, nga dili pa dugayng miluwat og executive order no. 20-A nga naglatid sa tourism protocols sa probinsiya, gi-quote sa OPAV nga miingon nga mas maayong maghiusa ang mga gobernador sa rehiyon sa lakang pagbukas og balik sa turismo.

Matod sa OPAV,  si  Gob. Arthur Yap sa Bohol namahayag sab nga ang ilang lalawigan nagplano pag-establisar og travel bubble aron pagsuporta sa ilang ekonomiya nga gidominahan sa turismo ug agrikultura. I via Jhon Tadlip/JTY

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -