Mga bagong motorcycle taxi applicants sumalang sa paunang inspeksyon

Sumalang na sa unang yugto ng inspeksyon ang mga bagong aplikante na nagnanais makabiyahe bilang motorcycle taxi.

Ang hakbang ay isinagawa ng mga miyembro ng inter-agency Technical Working Group (TWG) sa pangunguna ni Land Transportation Franchising and Regulatory Board (LTFRB) Board Member Retired Police Major General Antonio Gardiola, Jr.

Sa ginawang first round ng inspeksyon, inalam ang operational readiness ng mga bagong aplikante.

Una nang inirekomenda ng TWG ang anim na buwang pagpapalawig sa pilot run ng implementasyon ng motorcycle taxi na magtatapos na sa December 26.