27.2 C
Manila
Friday, March 29, 2024

Menteryo Katoliko Sa Lapu-Lapu Sugod Na Ang Sayong Pagdawat Ug Mga Bisita Gamit Ang Priority Number

- Advertisement -

Cebu City – Andam na ang menteryo katoliko  sa Humayhumay, Brgy. Gun-ob, dakbayan sa Lapu-Lapu pagdawat og mga bisita sugod karong adlawa hangtod sa Okt. 28 ug sa Nob. 5 ngadto sa 15.

Kini agig hulip sa tukmang panahon sa Todos los Santos ug Kalagkalag sa Nob. 1 ug 2 diin serado ang mga sam-ang.

Nahinabi sa media, si Joselito Castañares, piniyalan sa menteryo sa Humayhumay, mitug-an nga nakataod na sila og karatula sa entrance ug exit isip giya sa mga tawo.

Ang manuaway sa lubong moagi  sa temperature checks sa ilang pagsud sa sam-ang ug anaa poy gibutang nga footbaths o binasa nga pahiran sa tiil alang sa disinfection.

Gi-require usab ang publiko pagtamod sa minimum health ug safety protocols, sama sa pagsul-ob og face mask, face shield, ug social distancing.

Midugang si Castañares nga inay alphabetical schedule ang tamdan sa mga bisita, priority number system na.

Matod niya, misugot si  Mayor Junard “Ahong” Chan sa ilang gisugyot sa paggamit sa coupon o priority number.

Tungod niini, ang buhaton sa mga tawo mao ang pagduol  sa  kombento sa Birhen sa Regla para pagkuha og pases kay tag-400 ray ilang pasudlon sa menteryo sa matag duha ka oras.
(news and photo courtesy by Jhon Tadlip/JTY)

 

(Source: Provincial Information Office – Lapu-Lapu)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -