Cagayan de Oro – Mahimo nang matawagan 24/7 ang Mental Helpline sa City Social Welfare and Development (CSWD) Department Psychosocial Division sa numero: 0970-039-2709 (Smart).
Kini gihingusgan sa siyudad tungod sa nagkataas nga kaso sa suicide attempts ug suicide incidents.
Tuyo sa maong helpline nga matagaan sa tukmang pagtagad ug atensyon kadtong mga tawo nga nakasinati sa mental health concerns o kaha nakahuna-huna pag-suicide o’ gasulay paghikog.
Kini inisyatiba sa CSWD Psychosocial Division ubos ni City Psychologist Jaymee Leonen-Pagaspas, City Mayor’s Office ug City Disaster Risk Reduction Management Department (CDDRMD).
Gawas sa Mental Helpline, pwede usab tawagan ang emergency hotline sa syudad nga 911.
Nasayrang saulogon sa siyudad karong Dominggo, Septiyembre 10 ang ‘World Suicide Prevention Day’ diin ipahigayun ang usa ka suicide prevention awareness walk for a cause nga gitawag og ‘Lakaw alang sa Paglaum’ sugod ala-7:00 sa buntag gikan sa Rodelsa Circle hangtud Amphitheatre ug sundan dayon sa hamubong programa.
News and photo courtesy of CIO CDO