33.8 C
Manila
Friday, March 29, 2024

Medical Scholarship Sa Mga Gustong Magdoktor, Aprubado Na Ni Gov. Yu

- Advertisement -

Pagadian City – Aprubado na ni Zamboanga del Sur Governor Victor J. Yu ang ordinansa nga maghatag og scholarships alang sa mga Zambosurian nga gustong moskwela og kursong medikal ug nangandoy nga mahimong doktor.

Ang Provincial Ordinance No. 055-2021 nga gipaluyohan ni 2nd District Board Member Jenifer Din-Mariano naglaraw nga mogahin og 5 ka slots sa academic scholarship matag tuig diin mapahimuslan ang libreng tuition fee, transportation, uniform ug libro, lodging allowance ug uban pang mga panginahanglanon sa student beneficiary.

Alang sa mga interesadong mo-apply sa nasangpit nga programa, kinahanglan kumpletuhon ang musunod nga qualification ug requirements:

  • Kinahanglan mopasar sa entrance examination alang sa kursong medisina sa bisan unsa nga medical school
  • Mopasa og letter of intent aron maka-apply sa medical scholarship
  • Dili molapas og 30 anyos atol sa pag-graduate sa medical course gikan sa ilang pre-medicine course
  • Kinahanglan usa ka bonafide resident sa Zamboanga del Sur
  • Kinahanglan nakakuha og bachelor’s degree nga gikonsidera o apil sa gitawag og pre-med courses
  • kinahanglan nakapasar ug gi-endosar siya sa Medical Scholarship Grant Secretariat ug sa Medical Scholarship Board aron makasulod sa scholarship application

Ang gimugna nga Medical Scholarship Board pagalangkuban sa Gobernador isip Chairman, Chairman sa SP Committee on Education isip Vice Chairman ug ang Human Resource and Management Officer ug Provincial Administrator isip mga miembro.

Ang Board maoy mosala sa mga kwalipikadong scholars ug modeterminar sa kantidad sa scholarship grants matag semester nga maoy gamiton sa ilang mga galastuhan.

Dugang pa, ang nasangpit nga medical scholarship mamahimong ma-avail sa bisan asa nga tulonghaan nga accredited medical school.

Sa pahayag ni Gov. Victor Yu ning bag-uhay pa lamang, giila niya ang dakong papel sa mga doktor sa probinsya para motambal sa mga masakiton apan gumikan sa kamahal sa gastos sa maong kurso, gamay lamang ang mokuha niini.

“Pinaagi niining ordinansa, dako kini og katabang para matagaan og chance nga molampos ang atong mga aspiring doctors nga walay igong ikagasto,” sigon ni Gov. Yu.

(Source: Pagadian City Police Station | PRO-9)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -