Pormal nang gituldokan sa tagdumala sa AMCOOP kon Adventurers Multi-purpose Cooperative ang isyu kabahin sa dugayng nahatag nga CBU kon Capital Build Up refund sa mga myembro niini human nga gisugdan na sa Management ang paghatag niini gikan niadtong Agosto 28,2020 hangtud karong panahona apan gisubay ang health protocol pinaagi sa social distancing .
Kini ang gikumpirma ni Mr. Warren Cahayag Manager AMCOOP Gensan operations sa pakighinabe sa local media sa milabayng adlaw . Matud pa niini nga gi- skedyul sumala sa social distancing policy aron malikayan ang pagpunsisok sa daghang mga tawo “ actually tinuod na siya pero kinahanglang iagi natu sa tamang proseso pinaagi sa social distancing , every Friday tag napulo ka mga myembro ang makadawat sa CBU aron malikayan ang pagdasok sa mga tawo aron dili magkatakod sa Covid 19 virus “, ang pahayag ni Cahayag.
Dugang gipahayag niini nga ilang gi-post kon gi-anunsiyo ang mga pangalan sa mga tawo nga modawat ug CBU subay sa skedyul ug didto kini gi-estampar sa opisina sa AMCOOP sa Barangay Calumpang ug sa opisina sa Polomolok South Coatabato.
Aminado si Manager Cahayag nga nadugay ang maong pag release sa CBU sa mga myembro tungod sa problema sa Covid 19 kon mga health protocol ilabina sa gipatumang mga lockdown sa mga LGU kon Local Government Unit ug uban pang mga hinungdan internal operations .
Kahinumduman nga sa milabayng bulan nagpahigayon ug Media Fellowship kauban ang mibalik nga General Manager sa AMCOOP nga mao si Mr. Jhune Corpuz ug atoll sa maong okasyon napangutana sa mga hut-ong sa media ang kalabot sa maong hisgutanan apan gitubag kini sa Management nga ilang ihatag ang maong CBU sa saktong panahon apan nangayo lamang kini ug dispensa sa pagkalangay tungod sa covid 19 pandemic .
Ang AMCOOP naila nga usa sa pinakadakong humar resource provider sa mga dagkong planta ug kompanya diri sa syudad ug rehiyon dose nga kanunayng nagatuman sa mga balaud sa DOLE kon Department of Labor ang Employment ug uban pang mga ahensiya sa Gobyerno ug napamatud-an kini pinaagi sa mga awards kon certificate of recognition and plaque of appreciation tungod sa kadaghan niining nahatagan ug oportunidad sa panarbaho nga adunay tukmang sweldo ug benepisyo . Ang main Office ang nahimutang sa Polomolok South Cotabato ug ang operation niini naglangkob sa tibuok Pilipinas kalakip ang mga investments ug mga negosyo nga gipasiugdahan . (Roniel Degorio RPN-DXDX Gensan)