Cebu City – Gibalik na sa miaging adlaw ang arrival sa international flights sa Mactan Cebu International Airport (MCIA) human ipatipas sa Malacañang ang flights sa Ninoy Aquino International Airport gikan sa May 29 ngadto sa June 5.
Base sa memorandum nga giisyo sa Malacañang, ang tanang international flights nga paingon sa Mactan i-divert sa NAIA sud sa walo ka adlaw gikan sa Mayo 29 hangtod sa alas 11:59 sa gabii sa Hunyo 5.
Sa samang memorandum, gimando ni Pres. Rodrigo Duterte ang pag-imponer sa testing ug quarantine protocols nga gilatid sa national IATF o Inter-Agency Task Force sa tanang ports of entry sa nasod.
Sa iyang bahin, ang chief executive adviser sa GMR Megawide Cebu Airport Corporation (GMCAC), Andrew Harrison, miingon nga duha ka international flights gikan sa Doha, Qatar ug Singapore ang miabot sa MCIA niadtong Domingo, Hunyo 6.
Base sa policy sa Kapitolyo, i-swab dayon kadtong mangabot nga ROFs ug OFWs nga taga Sugbo.
Midugang si Harrison nga nagpatuman usab silag 300 arriving passengers cap subay sa available rooms sa accredited quarantine hotels ug quarantine facilities. (Jhon Tadlip/JTY)
(News & photos courtesy of GMR Megawide Cebu Airport Corporation)