Agdama a mangisursuro ni Prof. Yoshihita Sato manipud iti Ashigika University wennu AU ti Japan kadagiti Mariano Marcos State University wennu MMSU researchers ken engineering professors mainaig iti renewable energy ken smart grid application babaen iti inyuswat ni MMSU President Dr. Shirley C. Agrupis a four-day training-workshop, a nangrugi idi Hulyo 30 ken malpas intunno Agosto 2 kadaytoy met laeng a tawen sadiay University Hostel.
Gagem daytoy tapnu mapasayaat ti kapasidad dagiti agsuksukisok ken mangisursuro mainaig iti renewable energy technologies ken smart grid applications.
Karaman dagiti inburay ni Prof. Sato kadagiti partisipante ket maipanggep iti power electronics for renewable energy, floating offshore wind power generation, grid connection technology ken power storage.