Gimanduan na ni City Mayor Oscar Moreno sa dakbayan sa Cagayan de Oro ang City Health Office ug ang government owned JR Borja Memorial General Hospital sa hugtanon nga pang-abag sa health department alang sa masubsob nga pagmonitor sa potential carriers sa novel corona virus.
KIni nga kamanduan gihimo tapos ang Department of Health mipailawom sa red alert us aka adlaw tapos gibutyag ni Health Secretary Francisco Duque nga duna nay unang kaso sa novel corona virus infection sa nasud.
Matud pa ni City Hall spokesperson Maricel Rivera nga gimanduan na usab ni Moreno ang incident management teams local health office nga kusganong makigkoordinar sa DOH aron maseguro nga maandam ang mga medical facilities sa panahon nga moabot na sa kakuyaw ang kahimtang labot na niini.
Sa pagkakaron, ang lokal nga kagamhanan nakigkoordinar usab sa Department of Trade and Industry o DTI labot na sa kabalaka nga adunay mahitabong hoarding o pagsaka sa presyo sa mga face masks sa local market.