Gi admit sa usa ka pribadong ospital sa dakbayan sa Sugbo si Mayor Edgardo Labella tungod sa matod pa, sakit sa iyang dunggan.
Mao kini gibutyag ni Vice Mayor Michael Rama nga nagsilbi unang acting mayor sasiyudad.
Suma pa ni Rama, nagsugod ang gipamati ni Labella niadtong Domingo, Enero 17, hinungdang wala kini makatambong sa pagbukas sa virtual Sinulog Rewind.
Hinuon, gihimakak sa acting mayor ang mga estorya nga na-coma ang mayor hinungdang nagkinahanglan og taas-taas nga bakasyon.
Pero, matod ni Rama, tulo ka adlaw ray gi-file nga leave sa mayor ug mobalik na kini sa Lunes .
Sa i yang bahin, si City Administrator Floro Casas, Jr. miingon nga naka desidir ang mayor pagbakasyon aron magpahiling sa iyang sakit.
Nahinabi sa media, si Casas miinsister nga okey ra ang mayor sa ilang panagsulti.
Pagkakaron, si Rama ang acting mayor samtang si Konsehal Dondon Hontiveros ang acting vice mayor isip no. 1 councilor sa milabayng eleksyon ug maoy nag-preside sa ilang regular session gahapon.
via Jhon Tadlip/JTY
Source: Cebu City PIO
Photo: Vice Mayor Rama’s FB