Cagayan de Oro – Gipahalipayan ni City Mayor Karex Uy ang usa ka Kagayanon kinsa naghatag sa dakong garbo ug dungog sa dakbayan sa Cagayan de Oro sa natad sa dulang Taekwondo.
Siya mao si Cyriel Jores Soriano Valdez kinsa mikortesiya kang Mayor Klarex atol sa ‘People’s Day’ sa city hall, adlaw’ng Miyerkules, Oktubre 18.
Si Valdez maoy usa sa mga representante sa nasud atol sa bag-ohay natapos nga International Florida Open didto sa Ocala, Florida, diin iyang nasakmit ang gold medal sa Poomsae ug silver medal sa Sparring ug Board Breaking.
Gold medalist usab siya sa Poomsae event sa Sunshine State Taekwondo sa Winter Haven Florida ug silver medalist sa Sparring, Poomsae ug Board Breaking sa gisalmotan nga Yong In International Presidential Taekwondo Open Championship sa World Congress Center, Atlanta, Georgia.
(News and photo courtesy of CIO CDO)