Cebu City- Nakaabot na sa target sa mass rapid testing sa Covid 19 ubos sa PBB o Project Balik Buhay ang dakbayan sa Mandaue ug Lapulapu.
Kini ang gipahibawo ni Dr. Mary Jean Loreche, chief pathologist sa Department of Health o DOH 7.
Apan ang dakbayan sa Sugbo pabiling nangiwit sa rapid test sa PBB hinungdang giawhag ni Loreche ang mga mulupyo nga moapil sa programa.
Ang “sweeping” o extension sa testing schedule sa mga dapit sa siyudad nga minos og turnout sukad sa Mayo 6 ngadto sa 15 nagsugod gahapon ug matapos sa Miyerkoles, Mayo 20.
Sa nasayran, human sa napu-ka-adlaw nga schedule niadtong Biyernes, ang Cebu City igo lang nakaabot og 35.38 percent sa 6,205 ka blood samples.
Ang siyudad, nga labing daghan og lumulupyo, adunay target nga 17,536 ka samples sa rapid testing.
Ang strategic mass testing sa tulo ka highly urbanized cities sa Metro Cebu – ang Cebu, Mandaue, Lapulapu – gitumong sa pagtan-awasa dapita ang peligro sa pagkatap sa virus isip usa sa safety measures sa higayong palugakan na ang quarantine protocols.
Ang Cebu City Mandaue City pabilin pang ubos sa ECQ o enhanced community quarantine samtang ang Lapulapu City mius-os na sa GCQ o general community quarantine.