Grabe na kasub-anan an tagbati kuman sa pamilyang Oclarit. Kini human nadeskobrehan si Loreto Oclarit Jr., kilaya sa ngayan na Junjun, 43 anyos mandayagay nan lubi nga naghikog gamit an pisi didto sa Sitio Pagkawasan, Baranggay Buenavista, Surigao City kagahapon alas 4 sa hapon, Abril 22, 2020.
Sumaya ni Kagawad Valerio Borja, taghanap sa idja mga igsoon si Junjun tungod kay waya man mopauli sa paniudto dihang kini mipanaw sakay sa idja pumpboat mga alas 11 sa buntag.
Kagahapon sa buntag sa waya pa mahitabo an pagpakamatay, an idja manghud na si Jovie naglaong na nakasugat nija an idja maguyang sakay sab sa pumpboat pasingod na sa baryo samtang sidja pasingod sa Sitio Panumboyon.
Padajon pa tag imbestigahan kon may uno an hinugdan na idja man ini tagbuhat. Nahitabo ini samtang an idja asawa mitugbong sa syudad.
Ang patay’ng lawas sa biktima jaon taghayà sa bayay sa idja igsoon sa Purok 3. Nailo kuman sa amahan an duha niya mga anak na babaji. (jc/RPN DXKS)
Link:
https://www.facebook.com/RPNSurigao/videos/556859404961438/