Cebu City – Miluwat og laing order, sa ika-duhang higayon ang Malacañang sa pag-divert sa tanang international flights padung sa Mactan-Cebu International Airport (MCIA) ngadto sa Ninoy Aquino International Airport (NAIA) sa Pasay City, Metro Manila.
Atol sa Laging Handa press briefing, si Presidential Spokesperson Harry Roque miingon nga ang diversion of MCIA flights to NAIA balido hangtod sa alas 11:59 sa gabii sa June 12.
Tuyo niini nga maseguro nga mapatuman ang mga policies sa IATF (Inter-Agency Task Force for the Management of Emerging Infectious Disease).
Mitumaw ang maong anunsyo duha ka adlaw lang gikan sa pagbalik na sa international flights sa MCIA niadtong Hunyo 6.
Agig tubag, namahayag si Cebu Governor Gwendolyn Garcia nga ilang tun-an ang ilang posisyon.
Iyang gibarugan ang pagtahod sa Law of the Land, isip paghulagway sa iyang Executive Order ug gidasonan sa Resolusyon sa Hunta Probinsyal, samtang wala pay hukom nga nag deklara nga ultra vires ang giluwatan niyang EO.
Sa nasayran, unang gimando sa Malacañang ang pagpatipas sa biyahe sa mga international flights gikan sa May 29 ngadto sa June 5.
Suma pa ni Roque, naglaom ang IATF nga motuman ang Cebu sa task force’s whole-of-nation approach sa swabbing sa mangabot nga mga Returning Overseas Filipinos (ROFs) ug Overseas Filipino Workers (OFWs) sa Hunyo 13. (Jhon Tadlip/JTY)
(News & photo courtesy of Office of the President of the Philippines | Cebu Provincial Governor)