Mahigit 50 barangay idineklarang ‘drug cleared’ ng PDEA

Aabot sa mahigit 50 barangay ang idineklarang “drug cleared” ng Philippine Drug Enforcement Agency (PDEA) sa Metro Manila.

Batay sa datos na inilabas ng PDEA Regional Office-National Capital Region, mula sa 62 mga barangay sa buong Metro Manila na naghain ng aplikasyon para sa drug clearing program, 55 dito ang malinis sa illegal drugs.

Sa naturang bilang, pinaka marami dito ay sa lungsod ng Maynila na sinundan naman ng Caloocan City, habang tig-3 barangay naman sa Pasay at San Juan City, tig-2 sa Parañaque at Makati City, habang 1 naman sa Malabon.