Mahigit 2,500 ang mga nasawi sa China dahil sa COVID-19

Pumapalo na sa 2,592 ang death toll sa China kaugnay dahil sa COVID-19.

Sa nakalipas na magkadamag ay nakapagtala ng 150 nasawi sa China at isa lamang dito ay nagmula sa Hainan Province na ang biktima ay 55 taong gulang na duktor.

Ayon sa National Health Commission aabot din sa 409 na bagong kaso ng COVID-19 ang naitala sa China.

Maliban sa China ilan pa sa mga bansa ang nakapagtala ng mga nasawi dahil sa COVID-19 at kabilang dito ang South Korea – pito, Iran – walo,  Japan – 4 at tatlo rito ay mula sa MV Diamond Princess, Italy- tatlo, Hong Kong – dalawa at tig isa ang Taiwan, Pilipinas at France.