- Advertisement -
Nagsimula nang ibahagi ng grupo ni Baguio City Mayor Benjamin Magalong ang sistema nito ng contact tracing para sa mga nakahalubilo ng mga nagpositibo sa coronavirus disease 2019 (COVID-19) sa Cebu City.
Ipinabatid sa DWIZ ni Magalong na halos 70 katao ang tuturuan ng kaniyang grupo para sa epektibong contact tracing sa lungsod bilang hakbangin na rin na huwag nang kumalat pa ang nasabing virus sa lalawigan ng Cebu.
Sinabi pa ni Magalong na bahala na ang mga nasabing team na magturo na rin sa iba pang grupo sa iba’t-ibang munisipyo ng Cebu Province hinggil sa sistemang ikakasa sa contact tracing.
- Advertisement -