Mabagal na pagbibigay ng senior citizen pension pinaiimbestigahan

Pinaiimbestigahan ni Senior Citizen Partylist Representative Francisco Datol ang mabagal na pagbibigay ng Department of Social Welfare and Development (DSWD) sa mga pensyon ng mga senior citizens simula pa noong nakaraang taon.

Ayon sa mambabatas, kanya itong ipinasisilip matapos na makatanggap ng maraming reklamo ang kanyang tanggapan kaugnay sa hindi paglalabas ng ahensya ng kanilang buwanang pension.

Aniya, may nakalaan na P23-M sa DSWD para lamang sa pension program na tumutulong sa mahigit 3-M indigent seniors sa bansa.

Sa huli, iginiit pa ni Datol na may sapat na panahon ang DSWD upang maipamahagi ang P500 buwanang pension ng mga mahihirap na senior citizen sa bansa.