Nakasakmit ang pwersa sa 30IB nan isa ka M14 rifle human sa nahitabong engkwentro batok mga NPA kainang alas 8:10 sa buntag, Pebrero 25, 2021.
Sa interview sa Radyo Ronda kan Lt. Col. Ryan Charles Callanta, Battalion Commander sa 30IB, nahitabo an engkwentro sa Mt. Susuhon, Brgy Taganito, Claver, Surigao del Norte.
Walay samdan sa panig sa trupa sa gobierno. Apil isab sa nasakmit an isa ka magazine nga puno ug bala, usa ka backpack nga adunay suyod nga jungle hammock, mga assorted medicine ug 2 ka magazine sa m16 rifle nga puno usab ug mga bala.
“Kining timely government initiated encounter nahitabo tungod sa pakigtambayayong sa mga igsoon mga lumad nga napul-an na sa sige ug panghuthot aning grupong terroristang NPA pagpangayo ug kalan-on nga kulang man gani sa ilang pamilya.
Ako isip battalion commander sa 30IB mapasalamaton sa padayon nga pagkooperar bisan sa atong mga igsoon nga nanimuyo sa bukid nga walay kahadlok sa pag report sa mga presensya sa mga terroristang NPA nga wala na gibuhat ug gihunahuna kundili paghuthot, pagpanghasi kanila ug sa ilang kumunidad.
Ang 30IB magpadayon sa pagpatuman ug pagmaintenar sa kahusay ug kalinaw dire sa atong lugar aron ang paglambo dali ra nato makab-ot ug ang seguridad mabatunan sa tanang katawhan nga luwas sa tanang kadaut ug kakulba,” ang pamahayag ni Lt. Col. Callanta.
(RPN DXKS Surigao Exclusive report)