El 4th Civil Relations Group (4CRG), hunto con el Regional Emergency Assistance Communication Team (REACT) Tagok Group, y 106th Infantry Battalion (1016IB) ya instola 10 luces solares na un escuela na provincia del Zamboanga Sibugay.
El 4CRG ya habla del Domingo, con el mga luces solares ya instola na Escuela Primaria de Timulan na Barangay Nazareth, Kasalan, Zamboanga Sibugay.
Asegun con el 4CRG, con el mga luces ya instola durante el conducida de un programa de extension del Jueves na Sitio Timulan, Barangay Nazareth, Kabasalan.
El 4CRG ya habla, el instolacion del mga luces ya hace na presencia del Blessa Mae Alam, el director del Escuela Primaria de Timulan, el Barrio Capitan del Nazareth Francisco Dullesco y mga miembros del consejo de barangay.
Durante el program de extension, el mga residentes del Sitio Timulan, Barangay Nazareth, ya recivi mga camisa, 60 pares de chinelas, y libre servicio como cortada de pelo, y ponida de arestes.
Igualmente, 15 mga niños de escuela el ya recivi mga cosas de estudio desde con el mga partes interesadas generosas.
El mga oficiales del Barangay Nazareth, personajes de escuela, mga mayores y muy especialmente mga bata, estando agradecidos con el mga tropas y partes interesadas for escujir con el de ila barrio y con el escuela como beneficiario del programa de extension. (B. Garcia)