Sa pagbalik sa operasyon sa Land Transportation Office (LTO) dinhi sa dakbayan, gipasabot ni Acting Chief DANIELO MERSON BORJA ang ilang mga pamaagi ilabina ang pagpatuman sa social o physical distancing sulod sa ilang buhatan ug sa mga pampublikong sakyanan ingon man ang pagsuot ug face mask.
Sumala niini, isip myembro sa Inter-Agency Task Force (IATF) ang ilang departamento, sila ang misugyot ug mga giya nga adaptahon sa nasyonal alang sa transportasyon sa publiko.
Sa ilang buhatan, ilang gi-adjust ang trabaho sa mga personahe aron masunod ang social distancing ug nagbutang sila ug disinfectant pagtunob o pagsulod sa LTO District Office.
Sa laing bahin, giklaro ni Mr. Borja nga gipostponed ang full implementation sa driving lesson nga nakatakda untana niadtong unang semana sa Abril ning tuiga. (Jun Prex Salubre | Ronda 6 | RPN DXKS)