Padayong ginabayantayn sa PAGASA ang low pressure area nga ulahing namatikdan sa kalay-ong 100 kilometers Southwest sa Cotabato City. Nasayran nga anaa ang LPA sulod sa Intertropical Convergence Zone (ITCZ) nga nakaapekto sa Mindanao ug Palawan. Tail-end of Frontal System usab ang padayon nga nakaapekto sa eastern section sa Southern Luzon samtang Northeast Moonsoon usab ang galungtad sa nahabiling parte sa Luzon.
Segun sa weather bureau nga tungod sa epekto sa LPA ug ITCZ, mububo ang pat-ak pat-ak nga pag-ulan nga may panalugdog-kilat sa Palawan, Visayas, ug Mindanao. Gani makasinati usab og pat-ak pat-ak nga pag-ulan nga may panalugdog-kilat ang Bicol Region, Quezon province ug sa nahabiling parte sa MIMAROPA gumikan usab sa Tail-end of Frontal System. (JOHN REY SOMIDO)