Davao City- Giaprobahan sa gipahigayong Special Session sa Sangguniang Panglungsod ang hangyo ni Davao City Mayor Inday Sara Duterte- Carpio nga mohatag ug hinabang ang syudad sa mga naapektuhan sa Southwest monsoon ug Typhone Inday sayo sa nakalabayng buwan. Nasayran nga kantidad sa 4.25 milyones pesos ang hinabang sa syudad alang sa siyam ka mga apektadong lugar sa Luzon.
Mokabat sa 91 mil ka mga pamilya ang grabeng naapektuhan sa pagbaha ug landslide sa nahisgutang mga dapit hinungdan nga angayan lamang syudad nga tabangan sa syudad. Atol sa gipahigayong Special Session dili pa lamang dugay sa konseho, giaprobahan ang usa ka ordenansa nga naghatag ug pagtugot ni Davao City Mayor Inday Sara Duterte-Carpio nga kibhangan ug 30 porsiento ang Quick Response Fund sa syudad particular na ang 5 porsiento nga Disaster Risk Education and Management Fund o angCalamity Fund sa tuig 2018.
“Section 5 of the Local Government Code provides that a portion of the 5% of calamity fund may be used for other affected areas provided that the said areas are declared under state of calamity by the Sanggunian concerned” sumala pa sa pahayag ni Konsehal Danilo Dayanghirang ang chairman sa Committee on Ways and Means sa konseho ning syudad.
Sa pikas bahin, si Davao City Risk Reduction and Management Office chief Emmanuel Jaldon namahayag nga mokabat sa usa ka syudad ug Walo ka munisipyo sa Luzon ang gitunulan ug hinabang sa lokal nga Kagamhanan sa syudad. Ang mga lugar naglangkob saDagupan City, Munisipyo sa Lingayen, Sta. Barbara, Calasiao sa Pangasinan, Lapaz ug Ramos sa Tarlac, Marilao ug Paombong sa Bulacan, Masantol sa Pampanga. Ang matag dapit makadawat ug tag Kinyentos Mil(500,000) pesos samtang ang Masantol makadawat ug 250 mil ka pesos.