Giplanohan na sa City Health ang pagpahigayon ug Local Sandugo Awarding alang sa mga health workers ug barangay captains nga mitampo alang sa kalampusan sa National Voluntary Blood Services Program (NVBSP) sa Department of Health (DOH).
Sumala ni MRS. EVANGELINE CERIO, ang Nurse II ug Coordinator sa Non-Communicable Diseases Cluster nga iyang gi-schedule sa umaabot nga Agosto 20 ning tuiga ang maong awarding nga ipahigayon sa City Cultural Center, sa ingon marekognisa ang tanang misuporta gikan sa nagkalain-laing barangay sakop sa syudad.
Sa pagkakaron padayon pa gihapon ang paghan-ay lambigit sa maong aktibidad gumikan kay anaa lamang sa 50 ka mga partisipante ang gitugtan aron masunod ang physical distancing. (Jun Prex Salubre, Ronda 6 RPN DXKS)