33.8 C
Manila
Friday, March 29, 2024

Livelihood Program Sa Dole Naka-Benipisyo Ang Libuan Ka Mga Taga-Sarangani Samtang OWWA Gipanagaan Og Ayudang Pinansyal Ang Mga Sarangan OFW

- Advertisement -

Laing kaayuhan napud ang nadawat sa mga taga-Sarangani Province dakong tabang ning panahon karon sa krisis. Napahimuslan na sa mga kwalipikadong benipisyaryo hapit kwatro syentos (<400) kabuok ang gihatag sa DOLE kon Department of Labor and Employment nga P4.1 Milyon ka pesos nga pondo ilalum sa Kabuhayan Program kon DOLE Integrated Livelihood Program (DILP).

Segun ni Ms. Glenda Revaño, ang public employment service office/PESO manager sa Kapitolyo sa Sarangani, ang livelihood assistance starter kits nga ilang gipang-apud apod sa mga kababaihan, kalalakihan, senior citizen, kabataan, bisan na ngadto sa mga drug surrenderee, katugbang ang mga municipal PESO, ang gilangkuban sa mga materyales aron magamit sa sari-sari store, bugasan, carenderia, cosmetology/pangpa-anyag, Pisonet computer business, ug alang sa pradaksyon sa kakanin, buko cream, kropek, bibingka, barbeque ug marinated bangsi. Nanghatag pud silag mga baktin ug kanding, ug manghatag og mga kagamitan ug tools sa gapamanday, electrical installation, barber shop, welding shop ug fish vending o gapamaligya og isda.

Nakatakda usab sila nga muhatag og mga makina ug accessories sa panahi para dressmaking alang sa tulo (3) ka mga asosasyon nga dili muubos Two Hundred Thousand Pesos (P200K) matag kahugpungan, maka-benipisyo ang Teneb Bangsamoro Women Association sa Maitum, Kulturang Libon sa Malapatan ug Malabod Blaan Community sa Malungon.

Una ng gidawat ni Governor Steve Chiongbian Solon ang pondo nga P4.1 Milyon ka pesos gitunol gikan sa DOLE Region 12 ug DOLE Sarangani.

Samtang, adunay dungag 600 kabuok indibidwal ang maka-benipisyo sa laing programa sa DOLE alang sa mga kwalipikadong residente ilalum sa TUPAD kon Tulong Panghanapbuhay sa Ating Disadvantaged/Displaced Workers. Sila ang mahulog nga 4th batch sa mga Sarangan nga masulod sa TUPAD Barangay Ko, Bahay ko/BKBK Project. Ang tulo (3) ka batch ang sobra libo pud ka mga indibidwal ang naka-benipisyo.

Sila kadtong wala masulod sa SAP program sa DSWD, 4Ps ug uban pang ayuda sa gobyerno kung diin may madawat sila nga P3,260 matag usa human makapahigayon og temporaryong trabaho sa ilang komunidad sa napulo (10) ka adlaw. Sila ang underemployed, self-employed, home-based workers, vendors ug transport group nga labing naapektuhan sa gipatuman nga mga lockdown tungod sa Coronavirus pandemic.

Kadtong mga formal sector-private company worker nga naapektuhan sa gipatuman nga community quarantine ang nakadawat usab kini og Singko Mil ka pesos (P5K) pinaagi sa programa sa DOLE nga CAMP kon COVID-19 Adjustment Measures Program. Sa Sarangani, sobra libo kabuok ang naka-benipisyo.

Sa pikas nga bahin, saysentay dos (62) kabuok distress OFW gikan sa pito (7) ka lungsod sa Sarangani ang natagaan og tag-Byante Mil ka pesos (P20K) kada usa gikan sa OWWA o Overseas Workers Welfare Administration, gipangunahan ni OWWA 12 Regional Director Marilou Sumalinog.

Gidawat kini kauban ang mga municipal official sa Sarangani Province, sa pakig-alayon sa provincial ug municipal OFW desk office. Sila kadtong wala nakahuman sa ilang mga kontrata sa gawas sa nasud. Tabang kini aron nga makasugod sila sa ilang panginabuhian sa programa nga Balik Pinas, Balik Hanapbuhay.

Sa kini nga ayuda, wala pay apil dinhi ang laing programa sa OWWA alang sa mga displaced OFW gitawag nga DOLE-AKAP/Abot-Kamay ang Pagtulong for OFWs. Alang kini sa kadtong namauli tungod sa epekto sa global outbreak sa COVID-19. Sa online mu-apply aron ma-ayudahan sa gobyerno og Dyes Mil ka pesos (P10K).

Kining tanan nga flagship program ang pinaagi sa pagpangamot nila DOLE Secretary Bebot Bello ug Pangulong Rodrigo Duterte, sa pagsuporta nila Governor Solon, Vice Governor Elmer De Peralta, tanang board member, mga mayores ug nila Senador Manny ug Congressman Ruel Pacquiao.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -