Radio Philippines Network
DXDX GenSan News Provincial News

Livelihood Program: DOLE Region 12 Muhatag Og Livelihood Program Sa Sarangani Province Balor Og Sobra Kwatro Milyones Ka Pesos

Gipaabot na lang karon sa mga benipisyaryo sa probinsya sa Sarangani ang pondo gikan sa Department of Labor and Employment kon DOLE Region 12 balor og P4.1 Milyones ka pesos aron masugdan na ma-implementa ang DOLE Integrated Livelihood Program kon KABUHAYAN Program.

Segun ni Ms. Glenda Revaño, ang designated PESO o Public Employment Service Office Manager sa Provincial Government sa Sarangani, ginahan-ay na lang nila karon ang mga papeles aron ma-download na ang maong pondo human nga gitagaan og pagtugot sa Sangguniang Panlalawigan si Governor Steve Chiongbian Solon nga pirmahan ang Memorandum of Agreement tali kang DOLE Regional Director Sisinio Cano. Pabor kini sa mga kwalipikadong organisadong grupo og indibidwal aron matabangan ang ilang ginagmay nga kita og panginabuhi adlaw-adlaw.

Unang maka-benipisyo sa maong DOLE Kabuhayan Program mao kadtong mga indibidwal og kahugpungan nga wala pa nakadawat og ayuda sa nasyonal og lokal nga gobyerno. Sila kadtong mga uyamot nga grupo sa kababaihan, kabataan, senior citizen, persons with disability, mananagat, mag-uuma, pampublikong drayber, lakip na ang mga nanurender sa paggamit og ilegal nga druga, og uban pang hut-ong nailalum sa ginatawag nga informal sector.

Nigahin og dakong pondo ang DOLE, wala pay apil ang pag-abaga niini sa GSIS Insurance masiguro lang nga luwas sa unsa mang kalautan ang mga benipisyaryo. Og kini ang dakong gipasalamatan ni Governor Solon tungod kay wala kini laing handum kundili ang kalambuan sa mga katawhan.

Related posts

Laguindingan Airport Temporaryong Nagshutdown

RPN

Benguet Schools Received Wash Stations Versus COVID-19

RPN News

Cops capture suspect charged with 11 counts of qualified theft

RPN News