General Santos City— Nakatakda ng ipaskil sa COMELEC Gensan ang mga pangalan sa mga nakarehistro nga mamahimong makaboto alang sa midterm elections sa Mayo 13.
Sumala kang Atty. April Miguel, Election Officer sa COMELEC Gensan nga tumong niini aron nga panahon sa eleksyon dili na masaag ang mga botante kung asa nga presinto muadto.
Aron usab masayran kung na-deactivate na ang mga pangalan sa mga botante o wala pa gumikan adunay mga botante nga wala na sa listahan human ang pila ka higayon nga wala makapartisipar sa eleksyon.
Dugang pamahayag ni Atty. Miguel nga wala nay ihatag nga extensyon human ang tulo ka bulan nga registration milabay’ng tuig.
Kini gumikan gikinahanglan na nga makuha ang eksaktong ihap sa mga botante aron sa pag-imprenta sa mga balota nga gamiton sa eleksyon.
Sa karon matud pa aduna nay 280, 000 nga mga registerted voters sa dakbayan sa Gensan base sa pinaka-uwahing tala human ang pagdawat ug rehistro milabay’ng tuig.