Cebu City – Nakadawat ug lima ka emergency ambulance calls ang Cebu City Disaster Risk Reduction and Management Office (CDRRMO) atol sa peak sa New Year Celebration kagabii.
Duha ka oras sa wala pa hingpit mosud ang tuig 2021,gi respondehan sa Cebu City Ambulance Service ang usa ka vehicular accident nga mi angol ug tulo ka tawo ug laing duha ka mauling incidents sa Brgy. Tisay ug Basak San Nicolas Syudad sa Sugbo.
Matod sa CDRRMO way natala nga fire related incident.
Red alert status ang maong buhatan sa pagsugat sa tuig 2021 ug gi sakripisyo ang ilang oras nga wala sa pamilya aron lang pagsiguro nga luwas ang Sugboanon alang sa New Year Celebration.
Sayo ang gihimong pagpangandam sa mga personnel sa CDRRMO sa giisip nga labing busy nga gabii-ang pagsugat sa bag-ong tuig-2021.
Una nang mipahinumdum ang buhatan nga anaa pa gihapon sa pandemic ug ang COVID naa lang gihapon sa palibot ug dili kalimtan ang pagsunod sa minimum health protocols.
(Jhon Tadlip, photo courtesy of Cebu City Ambulance Services)
(Source: CDRRMO-Cebu City)Â