Human na ma blessingan ang lima ka bag-ong garbage truck nan Lokal na Panggamhanan, jauy nay dugang na mga truck na maglibot para magkolekta nan basura sa 54 ka barangay nan siyudad.
Matud pa ni CGSO Officer in Charge, Engr. Dionisio Boquid Jr., dako karajaw na tabang ang lima ka bag-ong garbage truck para ma paspas o regular na ang pagkuha sa mga basura diri sa siyudad.
Mu total na sa 16 ka garbage truck ang may kapasidad para kolektahon ang mga basura sa ijo barangay. Naghangyo kami sa mga Batang Surigaonon na plastaron ang ijo mga basura, dili ibutang bisan hae, sanan igawas sa bayay panahon sa paglibot nan mga truck.
(Source: Surigao City PIO Facebook page)