CAGAYAN DE ORO CITY- Miabot na sa lima ka mga barangay sa Cagayan de Oro ang apektado sa impeksyon nga dala sa African Swine Fever. Kini ang konpirmasyon nga gihimo ni City Veterinary Office Head Dr. Anthony Acac nga mohimo sila sa culling operations sa mga baboy nga naigo sa ASF sa barangay Macasandig ug Agusan ning syudad.
Gipasabot ni Acac nga tuyo sa ilang operasyon mao nga dili na makabatok sa laing barangay ang ASF ilabi na kay unang naigo mao man ang mga barangay sa Mambuaya, San Simon ug Baikingon, Nabalaka sila sa City Vet nga hayan madugayan pa ang pagkawala sa ASF kon walay klaro nga pangontra niini ang kagamhanan.
Nasayran nga moabot sa 173 ka mga baboy sa barangay Baikingon ang gipaubos sa Culling tapos nasuta nga nasudlan na sa African Swine Fever ang maong barangay. Sa gibutyag ni Barangay kapitan Nathan Yanez, nga ang maong mga baboy gipanag-iyahan sa 40 ka mga residente.
Dugtong sa maong kahimtang, gimonitor na usab karon sa mga opisyal ang barangay macasandig diin matud pa nagpadayon ang ilang profiling sa mga nanag-iya sa baboy.
Sa pikas bahin, mipabati sa kabalaka ang mga magbababoy sa Northern Mindanao nga tungod niini gitahasan na ni Mayor Oscar Moreno ang kapolisan nga hatagan sa pag-abag ang mga barangay nga mohimo sa hugot nga checkpoints sa matag utlanan batok sa mga baboy nga nagdala sa impeksyon sa ASF. (Gin Serohijos/City Veterinary Office)