Gipusil patay sa wala pa mailhing mga suspeks si Libungan Municipal Mayor Mayor Christopher “Amping” Cuan ug ang iyang driver nga si Edwin Navarro Ihao , alas 10:30 kananing buntag, Enero 11, 2021.
Nasayran nga nahitabo ang insidenteng pagpamusil sa may barangay Cabayuran, sa nahisgutang lungsod.
Gikumpirma ni North Cotabato Board Member Kelie Antao, nga namatay ang Mayor tungod sa samad pinusilan sa iyang ulo.
Pinasubay sa inisyal nga imbistigasyon sa North Cotabato PNP nga bag-o lang miabot gikan sa Davao City si Mayor Cuan ug paingon kini sa iyang sabungan nga iyang gipa-construct sa dihang nahitabo ang insidente.
Sumala pa nga upat ka tawo nga nagsaakay og usa ka Blue nga SUV ang mibasnig sa sakyanan sa mayor nga miresulta sa iyang kamatayon ingon man sa driver niini.
Si Cuan usa sa mga ginganlan sa narcolist ni Presidente Rodrigo Duterte niadtong 2016 samtang niadtong 2018, gisulayan na usab og patay ang mayor apan, nakalikay kini.
Kaganinang buntag, Enero 11, napurohan ang mayor og naigo sa iyang ulo, hinungdan sa iyang hinanaling kamatayon.
via OIC Michael Manguhig RPN Dxkt Davao