Naawaten ti Ilocos Norte ti Resulta ti naisayangkat a “National Soil Sampling Testing output”.
Segun ken ni Provincial Agriculturist Mrs. Normal Lagmay babaen iti pannakaisayangkat ti nasao a tignay ket naadal a naimbag ti kasasaadti daga ti intero nga Ilocos Norte a kas iti kalikagum ni Gob. Matthew Marcos Manotoc.
Inbunannagna a daytoy ket iti pannakikammayet ti gobierno probinsial iti Bureau of Soil and Water Management.
Imbatadna a nailanad iti libro ti resulta ti naisayangkat a panagadal ken ditoy a Makita no ana ti ramen dagiti daga ditoy probinsia ken ania ti maikanatad a maiyabono kadagiti pagay mais ken dagiti daduma pay a maimula.
Inlawlawag ni Lagmay a mannarimaan ti panangad-adal iti resulta ti nasao a panagadal tapno mairaman a “PACKAGE OF TECHNOLOGY” iti sumaruno a panagmula ti pagay, mais ken nadumaduma a klase ti natnateng. (Rosita Macalipis, RPN DZRL Batac)
(Source: Provincial Agriculture Office)