Libreng sakay ipagkakaloob ng LRT-2 sa mga PWD ngayong araw

Magkakaloob ng libreng sakay ang Light Rail Transit line 2 (LRT-2) sa mga persons with disability (PWD), ngayong araw.

Ito ay bilang pakikiisa sa pagsisimula ng 41^st National Disability Prevention and Rehabilitation Week.

Batay sa abiso ng pamunuan ng LRT, magsisimula ang libreng sakay sa mga PWD mula 10 ng umaga hanggang 12 ng tanghali at 3 ng hapon hanggang 5 ng hapon.

Kailangan lamang magprisenta ng PWD I.D. para ma-avail ang libreng sakay.