Nakuha sa local government unit sa Cagayan de Oro ubos sa administrasyon ni Mayor Rolando `Klarex’ Uy ang ikaduhang dapit sa gisalmutan niini nga Community-Based Drug Rehabilitation Program (CBDRP) Documentary Contest nga gipasiugdahan sa Department of Health Region X atol sa Drug Abuse Prevention and Control (DAPC) Week Celebration nga gipahigayon diha sa Centrio, Ayal Mall.
Kini nga kadaugan ang gikalipay ni Mayor Klarex isip chairman sa City Anti-Drug Abuse Council (CADAC) ilabina nga ang kampanya batok gidiling druga maoy usa sa iyang mga priority ubos sa RISE CDO Agenda.
Samtang, gipahalipayan usab ni City Councilor Romeo Calizo, co-chairman sa CADAC, ang Oro Citizen’s Wellness & Development Center (OCWDC), uban sa Office for Community Affairs (OCA) nga maoy naglihok sa mga programa ug kalihokan sa CADAC, partikular na ang CBDRP.
Gipasalamatan usab sa syudad ang DOH-10 sa pagpasiugda sa maong kalihokan diin napakita sa Cagayan de Oro ang mga kalampusan ug good practice alang sa kampanya batok gidiling druga. (ALR-CIO, photo courtesy of OCWDC)
(Source: Cagayan de Oro City Information Office Facebook page)