Radio Philippines Network
DXDX GenSan News Provincial News

Lalaking Nanunggab Patay Ug Silingan-Kasuhan

General Santos City–Takdang pasakaan ug kasong murder sa Police Station 4 ang suspetsado nga si Bonifacio Lopez, 45 anyos nga nanimuyo sa Purok Tinago, Barangay San Isidro, Gensan human niining gidunggab patay ang iyang silingan nga si Arjan Aguaire, 35 anyos, nga residenti sa samang lugar alas 4:00 ang takna sa kaadlawon sa Getis Compound, Purok Tinago, Barangay San Isidro.

Sumala pa ni PSI Davis Dulawan ang hepe sa Police Station 4 nga sa dihang nag-inom ang biktima ug ang suspect kauban ang ilahang mga higala aduna matud pay panagbingkil tali sa biktima ug sa suspect.

Human ug inom nakatulog ang biktima sa bangko ug didto na gihimo sa suspect ang pag panungab. Gilayon man nga nasikop sa kapulisan ang suspek human ang ilahang gihimong hot pursuit operation kung asa na-recover ang senina nga adunay dugo ngadto sa posisyon sa suspect.

Samtang blangko ang suspect nga si Lopez sa pasangil kaniya nga siya ang nanunggab sa biktima tungod kay wala matud pa syay nahinumduman sa panghitabo tungod sa tumang kahubog. Gipanghimakak usab sa suspect nga dunay nahitabong panagbingkil tali kaniya ug sa biktima ang iyang nahinumduman lang matud pa nga human ug inum siya niuli sa ilang panimalay.

Natingala nalang kini nga siya ang gidakop sa mga pulis ug gitudlong suspek sa pagpatay.

Related posts

Mineral Processing Plant Workers Sa Diwalwal Gipatrabaho Sa Emergency Employment

RPN

Cordillera New Year’s Celebration Generally Peaceful

RPN

1st Zumba Master Class at Roxas, Zamboanga del Norte

RPN News