Usa ka lalaki ang posibleng mag-atubang sa kasong pagsuway sa otoridad human kini ang nanghasi ug nanginsulto sa mga membro sa kapolisan sa syudad sa Dapitan bag-o pa lang.
Si Ricardo Ansiling Cañete, 46 ang pangidaron, minyo ug molupyo sa Barangay Sta. Cruz sa maong syudad kinsa ang ilawom sa impluwensiya sa ilimnong makahubog ang matud pa nanghasi pinaagi sa pagbato sa atop sa panimalay sa usa ka Elvie Siangco Camacoma, 38 anyos, minyo ug silingan ra usab suspek.
Sumala pa sa imbestigasyon sa kapolisan nga gibadlong ni Camacoma ang suspek sanglit adunay bata nga natulog apan nanghasi hinoon kini.
Sa dihang nahidangat ang mga mirespondeng kapolisan, si Cañete ang mingsukol ug nang-insulto sa mga otoridad maoy hinungdan nga giaresto ug temporaryong gibalhug sa karun sa selda.
Kasong Resistance and Disobedience to Agent of Person in Authority ang gipasaka na ngadto sa piskalya sa dakbayan.