33.8 C
Manila
Friday, March 29, 2024

Lalake Nga Namusil Gitigbas-Patay Didto Sa Gigaquit

- Advertisement -

Gitigbas-patay didto sa Purok Mapuslanon, Sitio Baoy, Brgy. San Isidro, Gigaquit, Surigao del Norte ang lalake nga namusil human kini gihagit sa suspetsado ug inamigo nga away niadtong Merkules, Hulyo 22 sa may alas 10:45 sa kagabhion.

Naila ang biktima nga mao si JOEL BERTO SIMPRON SARAY, 53 anyos, aduna’y katibo, helper ug lumulupyo sa nasampit nga lugar samtang ang suspetsado naila nga mao si PEDRO CANTILA PENZA, 45 anyos, ulitawo, driver ug lumulupyo sa samang lugar.

Sa impormasyong giluwatan sa suspetsado nga matud pa nag-inom sila uban sa ilang mga kahigalaan dihang nahitabo ang panaglalis gumikan kay gihagit niini ang biktima ug inamigo nga away apan nagdumili ang naulahi bisan pa man nga gidalhan na sa suspetsado ug mahait nga bolo.

Dihang mipauli na ang suspetsado ug nangihi sa kural sa ilang pinuy-anan, iyang namatikdan nga gisundan siya sa biktima nga armado sa improvised shotgun. Iya kining gisulayan sa pagkompronta apan sa wala’y igong hinungdan ang matud pa gipusil siya sa biktima. Maayo na lang kay nakalikay siya.

Ug didto iyang giatake ang biktima nga milungtad sa halos 20 minutos nga komosyon hangtod nga iyang natigbasan, ug namatay ang biktima gumikan sa mga samad tinigbasan sa taas nga bahin sa lawas dayon iyang gibiyaan sa crime scene.

Pagka alas 12:30 sa tungang gabie (Hulyo 23), boluntaryong mitahan sa Claver Municipal Police Station ang suspetsado ug giturn-over ngadto sa Gigaquit Municipal Police Station uban ang mahait nga hinagiban.

Sa gihimong follow-up investigation, narekober sa kapulisan sa crime scene ang usa (1) ka improvised shotgun. (Jun Prex Salubre, Ronda 6 RPN DXKS)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -