34.7 C
Manila
Thursday, March 28, 2024

Lalake Nga Na Problema Mi-Ambak Sa Old Mactan-Mandaue Bridge; Namasol Sa Dool Maoy Nakasangpit Ug Panabang

- Advertisement -




Cebu City – Lalake nga bout magpakamatay pinaagi sa pag-ambak sa Old Mactan-Mandaue Bridge naluwas pinaagi sa pagsangpit ug panabang sa namasol nga diha sa dool atol sa pagtugpa na sa lalake sa dagat kagabii, Hunyo 11, 2021.

Si Lapu-Lapu City Mayor Chan nga usa sa mitubag sa alarma, nagkanayon nga naka sulti pa sa iyang pangalan ang lalake nga si Ronnie Flores, 24 anyos.

Molopyo si Flores sa Barangay Umapad, Syudad sa Mandaue.

Gi-rescue kini sa mga sakop sa fraternity nga  Alpha Kappa Rho, nga mga molopyo sa dool nga lugar, human mopahibaw ang tawo nga namasol labot sa hitabo.

Matod ni Chan nga daling gilangoy sa mga membro sa Akhro aron maluwas ang maong lalaki, kinsa conscious pa dihang gikaw-as na gikan sa dagat.

Dihang gipangutana si Flores unsay hinungdan sa pag-ambak, iyang gisaysay nga matod pa dako kaayo ang personal niya nga problema.

Kini hinungdan sa tinguha nga pagtapos sa iyang kinabuhi.

Swerte nga dihay nga tawo nga namasol sa dool nga maoy nakasangpit ug tabang.

Gidala si Flores sa Lapu-Lapu City Hospital alang medical nga atensyon.

Kahinumduman nga pipila na ka tuig ang milabay, usa ka insidente ang nahitabo diin dunay mi-ambak sa maong tulay, apan way swerte kay ang nanagat nga diha sa tungod maoy namatay, human matugpahi sa tawo nga mi-ambak.  (Jhon Tadlip/JTY)

(News & photo courtesy of Junard “Ahong” Chan )

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -