Nag-alyansa na karon ang ang kinadak-ang partido politikal sa nasod nga Lakas-Christian Muslim Democrats (Lakas-CMD) ngado sa Partido Federal ng Pilipinas (PFP) aron mas mapalambo pa ang interes sa katawhan ubos sa programang “Bagong Pilipinas” ni Presidente Marcos.
Si Speaker Martin Romualdez, ang presidente sa Lakas-CMD, miingon nga gawas sa pagpasiugda sa ilang agenda sa pagdumala, ang alyansa mosuporta sa socio-economic roadmap sa administrasyong Marcos.
Matud ni Romualdez nga ang alyansa sa Lakas-CMD-PFP nahiuyon sa tumong ni Presidente Marcos nga mahiusa ang lain-laing sektor sa nasud.
Sa pagpanday sa ilang “Alyansa Para Sa Bagong Pilipinas,” ang Lakas-CMD ug PFP miingon nga sila nagtuo nga “ang serbisyo publiko kinahanglan nga ipahigayon uban ang labing maayo nga integridad, transparency, accountability, people participation, effectiveness, and efficiency.”
Matod nila giambitan nila kining komon nga panglantaw sa pagtinguha sa kaayohan sa kadaghanan ug pag-uswag sa ekonomiya.
Si Romualdez ug PFP president Reynaldo Tamayo, Jr. nipirma sa alliance agreement alang sa ilang tagsa-tagsa ka partido diin si Presidente Marcos maoy saksi.
Ang ubang mga mipirma sa kasabutan sa alyansa naglakip sa House Senior Deputy Majority Leader ug PFP vice chairman Ferdinand Alexander Marcos, PFP executive vice president Antonio Lagdameo, Jr., Lakas-CMD chairman Sen. Ramon Revilla, Jr. ug Lakas-CMD executive vice president ug House Majority Leader Manuel Jose Dalipe.