Sa ikaduhang magkasunod nga adlaw karong semana, laing pagpamusil na usab ang natala sa General Santos City.
Sa gitunol nga impormasyon, gikataho ni GSCPO spokesperson, P/Major Rissa Hernaez nga subay sa inisyal nga imbestigasyon, sakay sa sports utility vehicle ang wala pa mailhing biktima sa dihang gipusil kini sa riding-in-tandem suspects sa bahin sa NLSA Road, sa Barangay Sa Isidro, takna alas-9:20 ning Miyerkules sa buntag, June 2.
Narekober sa crime scene ang upat ka basiyo sa .45 caliber pistols.
“Two (2) unidentified motorcycle riding suspects on board a motorcycle (color black) suddenly went near the driver side of the vehicle and instantly shot the victim with multiple gunshots,” ang tipik sa impormasyong gitunol sa opisyal.
Kahibaluan nga kini na ang ikaduhang shooting incident nga nahitabo sa siyudad, sulod lamang karong semana.
Kagahapon, patay ang usa ka tricycle driver human gipusil usab sa motorcycle riding suspect sa bahin sa Barangay Calumpang. (John Rey Somido)