Cebu City- Gibutyag sa Department of Health kun DOH nga nakatala silag bag-ong patient under investigation (PUI) sa region 7 kagahapon.
Tungod niini, misaka pa ang ihap sa mga PUI’s sa tibuok nasod sukad makompirmar ang unang kaso sa 2019 novel coronavirus acute respiratory disease.
Pinasikad sa uwahing 2019-nCoV ARD case tracker, ang ubang rehiyon nga nakatala og bag-ong mga kaso sa PUI mao ang Cordillera Administrative Region, CALABARZON, Central Luzon, Western Visayas, Eastern Visayas, Davao, ug National Capital Region.
Ang DOH nakamonitor og mokabat sa 105 ka PUI’s nga naadmit sa pipila ka ospital sa nasod hangtod gahapon.
Matod sa DOH, angpagsaka sa gidaghanon sa mga PUI naggumikan sa gihingusgang surveillance system, contact tracing sa Epidemiology Bureau ug pagpalapad sa PUI category coverage sa tibuok China.