Lacson tiwala na kapag nakita ni Duterte ang umano’y maanomalyang insertions sa budget aaksyunan ito

Nanindigan si Senador Ping Lacson na tanging ang veto power ni Pangulong Rodrigo Duterte ang natitirang pag-asa para maalis ang mga umano’y last minute insertion sa 2020 proposed national budget.

Ayon sa Senador, bibigyan niya ng listahan ang tanggapan ng Pangulo at Department of Budget ng mga aniya’y maanomalyang insertions.

Dagdag pa nito, tiwala siya na kapag nakita ng Pangulo na masasayang ang pera ng bayan at agad itong positibong aaksyon.

Magugunitang hindi dumalo sa bicameral conference committee kahapon si Lacson dahil sa kanyang mga ibinunyag na insertion sa pambansang pondo sa susunod na taon.